| lama evil's profileTâG Râ$kOm ♬♡♪LâMmO♪♡♬PhotosBlogLists |  Tools  Help |
|
March 07 الفروق الخمسةالفرق بين ورعاننا وورعان الاجانب
في الصباح حيث يبداء يوم اطفال الاجانب عندما يستيقظ على صوت الكناري اللي بغرفته بعدها يتوجه للحمام يتروش ويفرش اسنانه ويطلع من الحمام تستقبله المربيه بالمنشفه وتصبح عليه يروح يغير ملابسه وياخذ شنطته وينزل لغرفة الطعام ويصبح على امه وابوه واحلىىىى بوسه ياخذها منهم ويفطر ذاك الفطور طبعا عباره عن كورن فليكس ابو ديك وبيضه وحده بس!! وكاس عصير وشويت ++++++++++ده مع العسل على خبزه . بعدين يقوم يغسل فمه ويودع الماما والبابا ويتوجه للسياره يلقى قدامه السواق مبتسم ويفتح له الباب ويوديه لمدرسته الخاصه ورعاننا المحترمين ورعاننا يقوم الصبح بعد ما يطلع عين اهله ولازم افراد العائله تمر عليه عشان تصحيه وكل واحد وطريقته: الاب:قم جعلك الهزل الأم:قم جعلك الجدري الأخ: والله اذا ما تقوم لافقع وجهك أخته: < تسوي نفسها بتدلعه> يالله قوم وأعطيك شنطة أخوك تروح فيها للمدرسه بعد ما يقوم يمر الحمام على السريع ويغسل وجه وبعدين ياخذ اقرب كتب عنده ويربطها ويجيك مدحدر يدور الفطور ويتفاجأ انهم ما حطوه؟؟ بعد ما يجي الفطور وهو كالعاده : فول شكشوكه تميس + حليب يبدأ الورع بالأكل وشوي الا وهو حاذف أخوه بعلبة الهندسه؟؟؟ عشانه سحب صحن الفول من عنده<مسكين ما يطوله> وشوي الا وهو مسدد بقس عنيف يمشي مليوووووووووووون لأخوه الثاني!! لأنه سرق فسحته؟؟ أبوه يتكلم معه يا ورع أركد وافطر وعين خير انت وش بلاك وراك مدرسه يرد الورع عليه: انت ما تشوف سعيدان سارق فسحتي؟؟ < سعيدان اكبر سروق بالبيت >> ابوه على طول يصدق ويصـــــــك سعيدان كف صدقي المهم بعد ما يخلص الفلم اليومي يروح الولد للسياره يلقى اخوه فاتح الكبوت ويصب ماء للرديتر المشقوق تقفل اخلاق الورع وينقز للشارع ويأشر لأقرب سياره ويروح للمدرسه أطفال الناس الاجانب 2- بعد المدرسه يرجع اطفال الاجانب ويلقى المربيه في استقباله تاخذ الشنطه وتوديها لغرفته بصحبته يغير ملابسه ويغسل وجهه ورجليه ويستريح له ساعه في أنتظار افراد العائله عشان يتغدى وبعد الغداء الرايق يروح لغرفة الجلوس ويشرب شاهي للتهضيم ويحلي بقطعة كيك وبعدين يروح لغرفته ينام له ساعه قبل العصر. ورعااااننا المحترمين اما الورع منهم يجي من المدرسه وثوبه قالب لونه بني< تقول جدار مدرسه >> ولا دخل البيت رمى الشنطه بالصاله وفصخ ثوبه ووينك يالشارع < اخوياه يحترونه>> وهاتك ياللعب كوره بذا القايله وعادي الشارع مولع من الحراره وهم عادي مررره ولا كأنه فيه شيء واهله ما يدرون ؟؟ في هذه الأثناء يرسل ابوه كتيبه من اخوانه للبحث عنه ولا لقوه وجابوه للبيت قام يصيح طقوني وسحبوني قدام الناس < والله ما أحد لمسه النصاب>> المهم يحطون الغداء < معروف كبسة لحم غيره ما فيه!! يتغدى الورع الكريم ويصــــــــــــــــــك بعدها لتر لبن بعدها يجلس ساعه فاتح فمه يحتري من يوديه يغسل له يديه!!!!!!!!!؟؟؟؟؟؟؟ . أطفال الناس الاجانب 3- اطفال الاجانب لا جاء العصر جابوا دروسهم وشافوا وش عليهم من واجبات وحلوها وحضروا دروس بكره بمساعدة الماما والبابا. بعدها يروح لغرفة الألعاب ويجلس على البلاي ستيشن 2 وخذ لعب لمدة ساعتين تقريبا يعني الى وقت ما بين المغرب والعشاء. بعدها تطلبه امه مع بقية أخوانه عشان يجتمعون ويشربون العصير ويسولفون سواليف ورعااااننا المحترمين يجي وقت العصر وهو نايم < مفعول اللبن >> يقوم قبل المغرب وياخذ دروسه وواجباته < وأقلامه ناسيها في درج الطاوله اللي بالمدرسه>> ويروح عند أخته ويتحايل عليها بكل ما أوتي من قوه على شان تحل له الواجبات واذا قالت لا يا ويلها يا سواد ليلها . بعد كذا أنواع الدجه مع ورعان الحاره ومن هم على شاكلته ما يخلون هندي الا وسرقوا سيكله ولا رجع البيت < على الساعه 11 تقريبا >> تلقى راسه مفلق من جميع الاتجاهات والشرطه تدوره وجارهم مسوي أعلان عليه مطلوب حي أو ميت!! وخذلك عاد < مساكين اهله >> أطفال الناس االاجانب 4- أطفال الاجانب بعد ما يتعشى ويمسي على اهله يروح لغرفته ويجلس على النت ساعه أو ساعتين الى موعد نومه < الساعه 10 تقريبا >> بعدها يغير ملابسه وتجي المربيه وتحكي له قصه اللين ينام تغطيه وتطفي النور. ورعااااننا المحترمين لا رجع البيت< الساعه 11>> ما يدخل مع الباب لا ينط من فوق السور على شان ابوه ما يمسكه . وعلى طول لغرفته ويسكر الباب ويطفي النور ويطل من الشباك على باب الشارع الرئيسي يشوف وش صار على مسلسل المشاكل المكسيكي اللي جابها معه للبيت وكيف بيحلها ابوه مع الناس ومع جارهم ومع الشرطه. وفي أثناء ذلك يستغل الفرصه ويدز للمطبخ وياخذ منه جبن < جبنة البقره الضاحكه >> وخبز ويرجع لووووووووووكره (( غرفته )) ويقفل باب الصندقه < الغرفه>> ويتعشى من ذا الجبن والخبز اللين يدوخ <على الساعه 3>> لا وأزيدكم من الشعر بيت ما ينام الا وهو متلطم!!!؟؟؟ < على باله مراقب >> ___________
هاه وش رايكم؟؟؟؟؟؟؟؟؟؟؟؟
ان شاء الله أعجبكم؟؟؟؟؟؟؟؟؟؟؟؟
يللا أنتظر الكومنتس الحب الأعمى
February 22 أنواع البنات.البنت العنيده
. همهـا تكون شـديـده .. وكل من يقابلهـا " بتلوي إيده " .. ومن يطـاوعها تزيـده .. ومن تطيعـه .. هذا " عـيـده " .. تعاند نفسـهـا .. حتى لـو عاشت وحيده البنـت الثقيـله
.. هـذي قليــــــله
.. نظراتها تطــرح قبيــله .. ومن تعجبـه .. مسكين ياويلـه !! تعطيه وجـــه ؟ .. مستحيـله .. ماينفع معاهـا مليـون حيله .. دايــم رزه .. ومو طويـله البنـت القصيـره
.. هذي كثيــــــــره .. وطبعها .. داهيـه وبصيـره .. دايم .. لسانها طـويل .. وخطيــره .. لو هي حرمـه .. او صغيــره .. صوتها يرعــد فى ديــره .. البعـد عنهــا .. تــراه خيــــره البنـت الثـرثاره
.. ياهي برباااااااااره .. وفيهـا بثـاره
.. ليمن حكت .. ماتوقـفهـــا إشاره .. تحكي فكل شـيء .. وفأي عبـارة .. تفهم فى الطبخ .. فى الموضه .. وفى الإداره .. حتى فـى فـن العيـاره .. دبــه .. تزعجك .. تمرضك .. تجيب المــراره البنـت الفتــون
.. عليها عيـون .. تجيـب الجنــون .. وجهـهـا .. يحـرك شجــون .. ويتعــب .. قـلـوب وظنــون .. مادروا .. انـها مـن الداخل .. فـراغ وسكـون .. مادروا .. انها صــوره .. للنـظر .. بس بالعيـون البنـت اللـعـوبه
.. تسحـــــر قــلـوب .. تلـعـب .. ولا يمكـن تـتـوب .. تخـدع .. وتخـفي كل عيــوب .. عشاقـهـا واجـد .. طلــوب .. ترمي وتضـيع فى الـدروب .. بين الشــباب .. سبـب الـحــروب البنـت القبيـحـه
.. ياهي جــــــريحه .. واطباعها .. طيبـه ومـريـحـه .. ماتحب كثر الظهور .. تخاف الفضيحه .. تبي .. معجـزه .. وتكون صحيحه .. تغير ملامح وجـههـا .. وتـصبـح مـليحــه البنـت الغـبـيـه
.. دايـم غـنـيـه .. استيعـابـهـا .. بـطـئ شـويـه .. مـرة تـحـكي لـبنـاني .. ومره بدويه .. فيـهـا .. سـذاجـه .. وعـفـويـه .. لاهـى ضعـيفـه ولا قــويـه .. مـاشـيــه .. بـس بالـنـيـه البنـت المغــروره
.. هذي مشـــــــهـوره .. ماتراعــي لأحــد شـعــوره .. بس غلاف .. او مثل صــوره .. من كـل زينـه .. هـى غـيـوره .. تبتسم .. مجامله .. او للـضــروره .. من كل شـيء ... مـقـهـوره " دايـم تـقـول .. " انا مسحوره يالله يابنات كل وحده تدخل وتقول هي من اي نوع ؟؟؟
February 05 معاناتيأهلين كيفكوووووووووم؟؟؟؟؟
شخباركوووووووووووووم؟؟؟؟؟؟؟؟؟
كيف الحال؟؟؟؟؟؟؟<<اخلصي قولي اللي عندك
ألف ألف ألف مبرووووووووووووووك على نهاية الإختبارات وبداية إجازة جديدة
 بس عاد بذكركم بشيء وهو معاناتي
 ومعاناة الملايين مثلي<<احلفيألا وهو جحيمنا(المدرسة
قبل ما أبدأ جيبو شوكالاتات وحلويات
 وشيبسات وبيبسي وسفن آب علشان مايزعلفي يوم من الأيام كانت الحياة صافية هنية
 لايكدر صفوها شيء ،ذات يوم(هذا الجزء فيه مؤثرات صوتية) جا واحد ملقوف ومتخلف عقلياً وجسدياً(مع احترامي الشديد)<<اخس يالمؤدبة،المهم نكمل ...ماأدري وش اسمه واخترع شيء اسمه........طبعاً أنا حطيت النقط احتراماً لكم لأني ماودي أخرب عليكم جو العطلة،نكمل.. للتعلم يخسى <<التزمي بالأدب،وهو يتسذب إلا وده يدخل كتب التاريخ مسويلي انا انسان مهم يحتري المتنبي يشعربه وإلا الجاحظ،اكمل عاد اسلافنا الدبش (مع احترامي الشديد للجميع)صدقوه و وافقوا من زود الدلاخة اللي بهم(مع احترامي الشديد مرة أخرى)<<ياشيخة ترانا درينا، اهم شيء بدت هالقرف تتواصل عبر السنين إلا ماوصلت إلى يومنا، و صارله وزارة ووزير وكشخة ورزة ،وهالحمار يحتري بقبره احد يشعر به مايدري اننا ندعي عليه،وودنا نكفخه يللا بقولكم المعاناة<<أخيراً
أولاً:في سرير دافئ وبطانية ناعمة ومخدة يتغلغل رأسي فيها وحلم يأخذني إلى عالم الخيال،
 ترن الساعة تكون العودة إلى الواقع ويفقد السرير دفئه والبطانية نعومتها<<حطي عليها كريم دوف،وإذا بك من السرير إلى الجحيم،الحين هم ووجيهم حاطين المدرسة بدري حتى العصافير مابدت تغرد تقول تونا خير على الصبح ،زاد هم ووجيهم لو انهم مأخرينه على الأقل إلا ماتبدأ العصافير تغرد،وإلا إالى ماتطس لأعشاشه يكون أحسن،يكون على الأقل قايمين ومروقين ومنبسطين وحالين واجباتنا مب نقعد نحلة الصبحية بالفصل،بس عاد هم ودلاختهم ودهم يفتكون من البزارين اللي يقومون من الساعة خمس الفجر المسببين للتلوث الضوضائي بالرياضثانياً:الفطور. الواحد يقوم من النوم بطنه فاضي يبي شيء حار يدفي بطنه يعني قهوة حارة
 تتطاير منها الدخاخين البيضاء ، مب قهوة الشغالة اللي مزينه مع العشاء من أمس ،ولو يحصله زينت فطور الاسبوع كله من يوم الجمعةثالثاً: ركوب السيارة
 مع الورعان المروقين على الصبح وصجة ولجة وألعاب مالأمه داعي مثال:اتحداني أخليك تقول ايه؟،وذيك اللعبة مدري وشو واللي يتكلم هوا الحمار،ولا يقعدون يسمعون منهج الأناشيد حق الترمين كلهنرابعاً:دخول المدرسة
 ،طبعاً هذي من أشين الأجزاء في اليوم،إذا مسكتس الاخت المناوبة عند الباب طاقة تسبده توه قايمه من النوم ومتهاوشت(ن) مع رجله وتحط حرته بتس:ليش ماتغطيتي زين....الخ من قرق الحريم الفاضياتخامساً:دخول الفصل،وهنا تبدأ الحرب،دفاتر تتطاير في جو الفصل،الحراج أهدا من الفصل،ابي واجب العلوم ابي واجب الرياضيات...الخ،أصلاً الواحد إذا دخل بالفصل يصاب بدوخة مايدري وش يبدي
سادساً:دخول الحمام،طبعاً الواحد يدخل علشان يزين شوشته بس ويكون ما أفطر إلا قهوة بس ويكون استخدم الحمام ببيته وفك خلق الله من الروايح
 ،بس فيه بنات يصيرون أهلهن مشوتينهن من البيت من خمس الفجر،وصيرن مفطرات حليب وإلا فول،وتدخلين والروائح جميلة وما شاء الله تبارك الله تسمعين سنفونيات يعني الواحد على الصبح يبي يسمع صوت زقزقة عصافير أو بلاشي ما يبي يسمع شيء مب يسمع صوت ....... <<اوووه الأدب لو سمحتيسابعاً:الطوابير
،صراحتاً هذا ودي أدري وش العلة منه بس تسكيتنا وهواشنا،طبعاً يجي وقت تفتيش الأظافر، أوووووووووه عاد هذا يبيله بلوج جديد،أهم شيء بالمختصر المفيد،لله في خلقه شؤون،اللي تجي أظافره 3سانتي واللي 4 سانتي والبنات الزاحفات 7 سانتي انا ودي أدري وش هن يتغذ(ن) علشان تطول الأظافر زي تسذا،هذا يوم السبت،بس الأيام الثانية يكون الطابور لالسواليف،فيه بنات الظاهر انهن ياكلن الكراث على الصبح،فيعطرن الواحد وخلن الراس يقول ون ون ون ون ثامناً:الحصة الأولى(حصة النوم) تدخل احد الغثيثات الفصل وتبدا تتفلسف وقيل وقال وطبعاً محد معطيه وجه بس ماعنده مانع تكمل،إلى مانسمع صوت وحدة تشخر
 بايعت(ن) عمره، وما ينقاله إلا روحي غسلي وجهتس ولا روحي لسبيتشة(المرشدة الطلابية) وتطس البنت وتكمل نومه ولا ترجع إلا الحصة السابعة بس وين؟؟؟ الله أعلم أنا ماعمري جربت<<اخس يالدافورةوكذا يصير الحصة الثانية والثالثة،بس الحصة الثالثة فيه زيادة...هي انه طول الحصة اسمع اصوات بطون جائعة توصوص(ومنهن بطني) نحتري الفسحة وندعي:اللهم الهمني الصبر، وما نصدق إذا صفرت ونركض بنطلع همن توقفنا الاخت قائلة:وش قلة الأدب؟! تطلعون قبل المعلمة؟!ما فيه احترام للمعلم؟!أجدادنا السلف كانوا من زود احترامهم للمعلم ...الخ (نصبة فتح الصفحة) هع
تاسعاً:المقصف
،طبعاً هذا الشيءكلكم تعرفونه وتعرفون زحمته مايحتاج شرح<<تكلفتي،وإذا قدرت اشتري من زين هالأكل اللي يبيعونه(تكرم النعمة) يامما تلقين شعرة ولا صارور وإذا بغيت خروف يحطونعاشراً: العودة للفصل والحصة الرابعة،طبعاً الحصة الرابعة غثا وأم العثا،أول نص ساعة البنات بالحمام،وإذا سألت الفيلسوف وين كنتوا؟؟!طبعاً هذا اختلف فيه العلماء،لذلك تختلف الأجوبة،لذا بقول البعض:كنت أغسل يديني<<والله لو إنك تغسلين فيل، كنت عند سبيتشة تعبانة،كنت رايحة آخذ بندول من سبيتشة،وتجي وحدة خاشة عرض كنت أغير حفاضت أخوي الصغير ومالقيت حفايض علشان كذا رحت عند سبيتشة آخذ منه حفاضة لاخوي،وطبعاً كل هالروحات لسبيتشة وهي أصلاً غايبة هع
طيب الدلخ مشتلهن وقعدن بسلام،عاد الحصة الرابعة تطله الإبداعات،تونا ماكلين شوكالاته كربوهيدرات وسكريات فيصير فيه نشاط زايد
 ،أوراق ورسايل ومسنجر الفصل وصور وعطور وكريمات وشامبو واللي تبون،بس يكون فيه بنات ماأمداهن يشرن من المقصف ولا ما جابن مصروف،وفيه بنات متقضيات مقاضي البيت من المقصف فينزل الله الرحمة في قلوبهن،وما ندري إلا كرتون جالاكسي طاير(ن) بالهوا،والفلسفجية تشرح بعز الشرح تحاسب أحد منتبهن له،ماتدري ان البنات باصطات فصفص وشاهيالحادي عشراً:الحصة السابعة،عاد هاذي الحصة ظهر وحر وكتمة وروائح،ونيران على الكراسي لدرجة إن البنات مايقدرن يقعدن وما يصدقن صوت الفرجة ترررررررررن وطيران مايشاف إلا غبارهن،والفلسفجية وده تفلسف مثل الحصة الثالثة بس محد معطية وجه
 لذلك تضف وجهه وتطسالثاني عشراً:الطلعة وأنواع الفلة والاستهبال على البواب،يجون بنات يقولن له ناد على اختي هيفاء وهبي،ويصدق هو ينادي،واللي تقوله ناد على المعلمة الفلانية وهي اللي عليه المناوبة،والمعلمة ترتبك تحاسبه رجله تخاف تأخر عليه يثوربه وتخاف تطلع وتثور به المديرة،وطبعاً ماتفضى المدرسة إلا إذا أذن العصر
الثالث عشراً:ركوب السيارة،والزحمة اللي عند باب المدرسة،وأخيراً أوصل للبيت ومبزرة الحارة مرتزين عند الباب
 مادري وش يبون،أهم شيء انا ادخل البيت ولا علي منهم،وادخل وانواع الروايح ثوم وسمك الله ياجر هالبطن اللي بياكل هالأكل أزين شيء أروح لغرفتي وأصك الباب و افطسالرابع عشراً:الفطسة(النومة)طبعاً الواحد يبي ينام نومة ظهرية علشان يقوم العصر،بس يبدون بزارين الحارة وبزارين ابوي وامي<<ماله خاتمة،بإصدار اصوات غريبة مالأمة داعي ويلعبون لعبة مين أعلى صرخة
الخامس عشراً:العشاء يعني الواحد ماتغدى يبي عشى زي العالم والناس،مب عشى من المغرب و ما تجي الساعة تسع إلا وهي نايمة،والواحد يبلش مايلقاله أكل ياكله تالي الليل<<نام خفيف
السادس عشراً:حبسة البيت،والله الواحد لازم له يطلع ويفه عن رويحاته لازم له الحياة الإجتماعية بس أيام المدرسة يصاب الإنسان بالتوحد لا تطلعة لا نت
 لا تلفون لاتلفزيون وش بقى؟؟؟هذي معاناتي أنا عاد مدري عنكم أنتم ومعاناتكم وسامحونا على الصواريخ
 والرجة،وتراي ماأقصد احد بهالبولج<<خاف، واقدم كل تحية لمدرستي وصديقاتي جميعاً ولكل من يعاني مثليوالله الله بالكومنتات...يللا سلامووووووو
January 22 من طلب العلا...من طلب العلا
من طلب العلا نام الليالي…… و سحب البطانية و قال أنا مالي January 21 ONLY FOR قصمانياهلا والله...أسفرت وأنورت...ياحيا الله من جانا<<طبعاً هذا الترحيب خاص بالقصماااان فقط...NO ملاقيف ALLOWED
بسم الله والصلاة والسلام على رسول الله... أما بعد
قصماني قصيمياتي أود أن أقدم لكم
#*المعجم الذهبي*#
للكلمات القصيمية
:المقدمة
بلادي...أو بلادنا لها أهمية كبيرة في العالم العربي والإسلامي،فهي تحتل المرتبة الثالثة في العالم العربي من حيث المساحة، والمرتبة الثانية في العالم الاسلامي من حيث المساحة، أما في الجزيرة العربية فهي تحتل 4/5 من مساحة الجزيرة، وهي مهمة أيضاً لوجود الحرمين الشريفين فيها، لذلك يتوافد إليها الملايين من المسلمين سنوياً........الخ
القاموس>>الزبدة
:الرموز
تس=ك
تز=ق
أ ب ت ث ج ح خ د ذ ر ز س ش ص ض ط ظ ع غ ف ق ك ل م ن هـ و ي
:(أ)
أخافنه:(اسم) وهي مكونة من كلمتين:(أخاف)و(انه) دمجتا مع بعضهما، وهي بمعنى: يمكن انه كذا، ومثال ذلك: أن تتساءل الأم لماذا لم ينظف السائق السيارة،فترد عليها ابنتها قائلة: أخافنه راح البطحاء وحنا ماندري
امحش خشك=مش خشك وهي بمعنى لاتأمل أن يحصل لك أبداً، ومثال ذلك: أن يقول الابن لأبيه: ودي ببورش فيرد الأب: امحش خشك
أثره: الثاء ساكنة، وهي لبيان السبب، كأن يخرجن الطالبات من الختبار ويستفسرن عن الأجوبة، فتقول إحداهن: أثره خطأ علي أجل أنا أسلم الورقة وأنا واثقة
أتلاته: وهي بمعنى أثره
البات: وهي أول حلبة من البقرة
الروشن: وهي الغرفة التي تكون في العلية
إندس:بمعنى:اختبئ في زاوية، والفعل منها: يندس،والمصدر:اندساس،والحال: مندس
(FIRE PLACE) الوجار: وهو مشب النار
الزا:مكان الغسيل
الليوان: وهي الحجرة التي بجانب مجلس الرجال
:(ب)
به: فيه أو يوجد
:(ت)
تسوله: موقد نار يعني عين الغاز
تسنيف: حمام <<الله يكرمكم
تسيف تسذاتا: كيف كذلك، وهي استفهام تعجب و إنكار
تسوتاله: وهي فتحة في الحائط لينظر منها الانسان
تتن:(اسم) وهو الدخان،والفعل منه يتتن بشد التاء الثانية
:(ج)
جصة: ما يخزن به التمر
جلة: هو روث بقر جاف يشعل به النار>>أكرمكم الله
:(ح)
حتسي: كلام،والفعل: يحتسي
:(خ)
خشة:(اسم)وتعني فم
(خشت:(فعل)وتعني نام،والمصدر:(خاشت
خثيه: روث البقر>>زق البقر
:(د)
دهوله:بشد الواو،ومعناها:الثوب الوسيع جداً
دويفه: شوربة غليظة
درو:انتفاخ بالإبط
:(ذ)
(ذالف: ذاهب،والفعل منها:(يذلف
:(ر)
(ربعه:بكسر العين،وهي بمعنى:(زاوية
:(ز)
(زرط:(اسم)أكل،والفعل:(يزرط)،والمصدر:(زارط
:(ص)
صفرية:قدر
صنفرة:تزيين في الشكل،وتستخدم للعاقل
صميل:ما يخض به اللبن
صاير:زاوية الحوش
:(ط)
(طنوز:(حال)وهو كثير الاستهزاء بغيره،والفعل:(يتطنز)،والمصدر:(تطنز
طس:انقلع
طايه:السطح
:(ع)
عشة:دكة مغطاة
عصيدة:ذرة بيضاء
:(ف)
(فطس:(فعل)مات أو نائم بشدة،والحال:(فاطس)،والمصدر:(فطيسه
فلقة:جرح بالراس
:(ق)
قوه:وهي من أكثرالكلمات شيوعاً عند القصمان زمعناها:هيا
(قمزة:قفزة،والفعل منها:(قفز
قفى:خلف الشيء وظهره
قرنقش:مال وفلوس
قناره:مايعلق به الصميل
:(ك)
كراه:عندما يسأل الشخص(القصيمي طبعاً)بوراه يجاوب بكراه
كوه:بشد الواو،وهي:جخر بالغرفة يوضع به أشياء
كمر:الدولاب الذي يكون جانب الوجار
:(ل)
لتسمه:بكسر الميم،وهي:جرح الإصبع
:(م)
(مايتز:(حال)وهو المغرور،والفعل منه:(يموتز
(ما أسطي:لاأتجرأ، وهي لا تأتي بدوم (ما
*متزدي:لا يمكن شرح معناها
(مواعين:أواني،ومفردها:(ماعون
موقعة:ماعون مصنوع من الخشب
محماسه:ماتحمس به القهوة
مصابيب:قرصان صغير
موقد:مطبخ
:(ن)
نكس:من جديد
:(هـ)
هرج:كلام
:(و)
ودتسه:شحم البعير
:(ي)
يدبتس:يقبل
ييزي:يكفي
يمدي:يكفي من الوقت،وهي مأخوذة من المدى
يلهد:يغث
أي أحد يعرف المعنى لا يتردد ويكتب كومنت واللي يجيب المعنى الصحيح باعلن *سبيسه فوق
شكراً لحسن اصغائكم بس ابي كومنت،وأتمنى إن الموضوع يكون أعجبكم
نانسيتصدقون ان هذي نانسي عجرم؟؟؟
يازين الجمال الطبيعي بس للدنماركيينلكل الشعب الدنماركي أقول وبكل فخر
 ولكل من سب أو يحاول يسب رسول الإنسانية محمد صلى الله عليه وسلم SAY CHEESEوخلك دايماً مبتسم
    حتى لو ما كنت تدري وش السالفة
  أو ماتلقى مقابل على الإبتسامة
 |
||||||
< p>
|
|
